logo logo

Deyilənlərə yox, faktlara inanın

Siyasət

Hikmət Hacıyev: “BMT 25 il Qarabağdan danışmayıb.”

Hikmət Hacıyev: “BMT 25 il Qarabağdan danışmayıb.”

Xəbərin qısa icmalı

Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev BMT Təhlükəsizlik Şurasının avqustun 16-da Qarabağla bağlı keçirilən iclası haqqında danışarkən deyib ki, BMT 25 il Qarabağdan danışmırdı, indi ermənilərin manipulyasiyası və dezinformasiyası ilə bağlı məsələləri gündəmə gətirib.

- Azərbaycanın təklifi əsasında 30 may 2012-ci il tarixində BMT TŞ-nin “Arria formulası” çərçivəsində qeyri-rəsmi müzakirələri təşkil olunub. Dağlıq Qarabağ məsələsi də BMT TŞ-nin qeyri-rəsmi müzakirələr zamanı gündəm mövzularından biri olub. Açıq mənbələrdə araşdırma nəticəsində müəyyən edilib ki, bu dövr ərzində Azərbaycan tərəfi BMT TŞ-yə təcili iclas keçirməsi ilə bağlı müraciət etməyib.

- BMT Baş Assambleyası 60-cı sessiyada "Azərbaycanın işğal olunmuş ərazilərində vəziyyət" adlı məsələyə baxaraq 7 sentyabr 2006-cı ildə qətnamə qəbul edib.

- 17 sentyabr 2007-ci il tarixli BMT Baş Assambleyasının 109-cu plenar iclasında Azərbaycanın təklifi ilə Baş Assambleyanın 62-ci sessiyasının gündəliyinə “Azərbaycanın işğal olunmuş ərazilərində vəziyyət” adlı məsələ daxil edilib.

14 mart 2008-ci ildə BMT-nin 62-ci sessiyasınının gündəliyinə salınmış “Azərbaycanın işğal olunmuş ərazilərində vəziyyət” adlı məsələ müzakirə edilib və BMT tərəfindən qətnamə qəbul olunub.

- BMT Qarabağla bağlı məsələləri son 25 ildə gündəliklərə salıb və Azərbaycanın lehinə qətnamələr qəbul edib. 

“BMT 25 il Qarabağdan danışmırdı, indi ermənilərin manipulyasiyası və dezinformasiyası ilə bağlı məsələləri gündəmə gətirib”.

Bu iddianı Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev BMT Təhlükəsizlik Şurasının avqustun 16-da Qarabağla bağlı keçirilən iclası haqqında danışarkən deyib. 

“Fakt Yoxla” bu iddianın doğru olub-olmadığını yoxlayıb. 

İddia son 25 ili nəzərdə tutduğu üçün 1998-2023-cü illər aralığı yoxlamaya cəlb edilib. BMT Nizamnaməsinin 35-ci maddəsinə əsasən BMT-yə üzv olan hər bir dövlət Təhlükəsizlik Şurasına (TŞ)müraciət edə bilər

2011-ci ildə 2 illiyinə BMT TŞ-nin qeyri-daimi üzvü seçilən Azərbaycan rotasiya qaydasına əsasən, bu müddətdə TŞ-yə iki dəfə sədrlik edib. Azərbaycanın təklifi əsasında 30 may 2012-ci il tarixində BMT TŞ-nin “Arria formulası” çərçivəsində qeyri-rəsmi müzakirələri təşkil olunub. Dağlıq Qarabağ məsələsi də BMT TŞ-nin qeyri-rəsmi müzakirələr zamanı gündəm mövzularından biri (mənbə: 1, 2) olub.

Açıq mənbələrdə araşdırma nəticəsində müəyyən edilib ki, bu dövr ərzində Azərbaycan tərəfi BMT TŞ-yə təcili iclas keçirməsi ilə bağlı müraciət etməyib. “Fakt Yoxla” avqustun 24-ü Azərbaycan Xarici İşlər Nazirliyinə mövzu ilə bağlı sorğu göndərsə də, sorğuya cavab verilməyib.

Bəs, BMT-nin digər orqanları Qarabağla bağlı məsələləri bu dövr ərzində gündəmə gətiribmi?

2004-cü ildə AzərbaycanınTürkiyənin müraciətləri əsasında BMT Baş Assambleyasının 59-cu sessiyasının gündəliyinə "Azərbaycanın işğal olunmuş ərazilərində vəziyyət" adlı bənd daxil edilib(səh 2). Baş Assambleya məsələyə 60-cı sessiyanın gündəliyində baxılmasına qərar verib(səh.124). BMT Baş Assambleyası 60-cı sessiyada məsələyə baxaraq 7 sentyabr 2006-cı ildə qətnamə qəbul edib. BMT qətnaməsində bildirib ki, Azərbaycanın Ermənistan tərəfindən işğal edilmiş ərazilərində baş verən yanğınlardan ciddi şəkildə narahatdır. Qətnamədə ATƏT-in fəaliyyətdə olan sədrindən Baş Assambleyaya üzv olan dövlətlərə məsələ ilə bağlı hesabat təqdim etmək tapşırılıb. 

17 sentyabr 2007-ci il tarixli BMT Baş Assambleyasının 109-cu plenar iclasında Azərbaycanın təklifi ilə Baş Assambleyanın 62-ci sessiyasının gündəliyinə “Azərbaycanın işğal olunmuş ərazilərində vəziyyət” adlı məsələ daxil edilib(səh. 138).

14 mart 2008-ci ildə BMT-nin 62-ci sessiyasınının gündəliyinə salınmış “Azərbaycanın işğal olunmuş ərazilərində vəziyyət” adlı məsələ müzakirə edilib və BMT tərəfindən qətnamə qəbul olunub. Qətnamədə Qarabağ münaqişəsi ilə bağlı bundan öncə qəbul edilmiş BMT qətnamələrinə də istinad edilərək, həmin qətnamələrin həyata keçirilməsinin vacibliyi vurğulanıb. Qeyd edilib ki, BMT Azərbaycan Respublikasının Dağlıq Qarabağ regionunda və onun ətrafında silahlı münaqişənin beynəlxalq sülhə təhlükə yaratmaqda davam etməsindən ciddi narahatdır. BMT ölkələrin suverenliyinə hörmət edir və Azərbaycan Respublikasının beynəlxalq miqyasda tanınan ərazi bütövlüyü və sərhədlərini bir daha təsdiq edir. Sənəddə Ermənistanın bütün qüvvələrinin Azərbaycan Respublikasının bütün işğal olunmuş ərazilərindən dərhal, tam və qeyd-şərtsiz çıxarılması tələb edilib, yaşadıqları yerlərdən didərgin düşən əhalinin öz ərazilərinə qaytarılması vurğulanıb.

“Heç bir dövlət Azərbaycan Respublikasının ərazilərinin işğalı nəticəsində yaranmış vəziyyəti qanuni tanımayacaq, bu vəziyyətin saxlanmasına kömək və ya dəstək göstərməyəcək” – deyə BMT qətnaməsində bildirilib.

Beləliklə, BMT Qarabağla bağlı məsələləri son 25 ildə gündəliklərə salıb və Azərbaycanın lehinə qətnamələr qəbul edib. 

“Fakt Yoxla”nın gəldiyi qənaətə görə Hikmət Hacıyevin iddiası yanlışdır.

“report.az”, Prezidentin köməkçisi: "Türkiyənin dəstəyini hər zaman hiss edirik"

“documents-dds-ny.un.org”, Organization of the fifty-ninth regular session of the General Assembly, adoption of the agenda and allocation of items

“documents-dds-ny.un.org”, Request for the inclusion of an additional item in the agenda of the fifty-ninth session The situation in the occupied territories of Azerbaijan Letter dated 14 October 2004 from the Permanent Representative of Azerbaijan to the United Nations addressed to the President of the General Assembly

“documents-dds-ny.un.org”, Request for the inclusion of an additional item in the agenda of the fifty-ninth session The situation in the occupied territories of Azerbaijan Letter dated 14 October 2004 from the Permanent Representative of Azerbaijan to the United Nations addressed to the President of the General Assembly

“documents-dds-ny.un.org”, Resolutions and Decisions adopted by the General Assembly during its fifty-ninth session Volume III 24 December 2004 – 13 September 2005 General Assembly Official Records Fifty-ninth Session Supplement No. 49 (A/59/49)

“documents-dds-ny.un.org”, Resolution adopted by the General Assembly on 7 September 2006

“documents-dds-ny.un.org”, Resolutions and Decisions adopted by the General Assembly during its sixty-first session Volume III 23 December 2006 – 17 September 2007 General Assembly Official Records Sixty-first Session Supplement No. 49 (A/61/49

“digitallibrary.un.org”, The situation in the occupied territories of Azerbaijan : resolution / adopted by the General Assembly

“un.org”, United Nations Charter

“az.trend.az”, Dağlıq Qarabağ problemi BMT TŞ-nin qeyri-rəsmi müzakirələrinin mövzusu olub

“news.milli.az”, Dağlıq Qarabağ problemi BMT TŞ-də müzakirə edilib

“bbc.com”, Azərbaycan BMT Təhlükəsizlik Şurasının qeyri-daimi üzvüdür

 “mfa.gov.az”, Azərbaycan - Birləşmiş Millətlər Təşkilatı münasibətləri

Yanlış
  • 9 Sentyabr, 2023
  • 1097

Məqaləni paylaş

Öz faktını yoxla
Bizimlə əlaqə