Sosial media istifadəçiləri aşağıdakı görüntünü paylaşaraq iddia ediblər ki, Ukrayna hərbçiləri Rusiyanın təcavüzünü göstərmək üçün saxta görüntülər hazırlayıblar.
“FaktYoxla” bu iddianın doğru olub-olmadığını yoxlayıb.
Video “@icefil” adlı “TikTok” istifadəçisinin səhifəsində paylaşılıb. Həmin profilin sahibi rusiyalı blogger Filipp Fedorçukdur. Video Rusiyanın "NTV" (НТВ) kanalında yayımlanacaq "Autsayder" adlı serialın pərdəarxası çəkilişlərindəndir.
Bloger bu postu “Filmdə yıxılması üçün maniken hazırlayırıq” şərhi ilə yayıb.
Fedorçuk “Instagram” səhifəsində etdiyi başqa bir paylaşımda çəkilişin nəticəsi haqqında yazıb.
Fedorçuk "Fakt Yoxla"ya açıqlamasında deyib ki, videonu Vsevolojskda lentə alıb.
"Bu, pəncərədən maşının üstünə atmaq üçün hazırlanan kuklanın maketi olub", ‒ deyə bloger bildirib.
“Fakt Yoxla”nın gəldiyi nəticəyə görə görüntülərə dair iddialar saxtadır.