Sosial şəbəkələrdə “Avropanın qorxulu yuxusu, qiyamət raketi, hər kəs Rusiyadan buna görə qorxur” başlıqlı fotolar paylaşılıb. İddia bu ilin favralında Rusiya Ukraynaya müharibə elan edəndən sonra müxtəlif sosial media istifadəçiləri tərəfindən yayılıb.
Ekran görüntüsü “Yorgun” TikTok hesabından götürülüb
“Fakt Yoxla” iddianın doğru olub-olmadığını yoxlayıb.
Görüntülər öncə “Yorgun” adlı “Tik-Tok hesabında, daha sonra “Ən son xəbərlər” feysbuk qrupunda yayılıb.
Videoda göstərilən qurğu hər hansı döyüş təchizatı deyil, şlam çənidir. Görüntülər ilk dəfə 2018-ci ilin dekabrında "Çaba-Misnak" şirkətinin sosial media hesabından paylaşılılıb.
Ekran görüntüsü “Çaba-Misnak” feysbuk qrupundan götürülüb
Şlamlar adətən yerin səthində buruqlardakı qazma baltalarının və başqa hissələrinin yerin üstündə su ilə yuyulduğu zaman toplanır. Bunker aşağı yan divarları və dibi olan üstü açıq çəndən ibarətdir. Bir ucunda maye nasosunun girişi, digər ucunda isə su giriş sistemi var. Tank məhlulu yönəltmək və cazibə qüvvəsi ilə məhlulu nasosun girişinə vermək üçün nəzərdə tutulmuşdur.
Qurğunun işləmə prinsiplərini buradan əldə etmək olar.
“Fakt Yoxla”nın gəldiyi qənaətə görə, foto saxtadır.
