“2013-cü ildə - bir ildə iki stansiya istismara veriləcəkdir və ondan sonra hər il biz yeni stansiyaların tikintisinə də nail olacağıq”.
Bu bəyanat 29 iyun 2011-ci ildə “Dərnəgül” stansiyasının açılışı zamanı Azərbaycan Respublikasının Prezidenti İlham Əliyev tərəfindən səsləndirilib.
“Fakt Yoxla” vədin yerinə yetirilib-yetirilmədiyini yoxlayıb.
2013-cü ildə Azərbaycanda heç bir metro stansiyası istismara verilməyib. Belə ki, aşağıdakı cədvələ də nəzər saldıqda aydın olur ki, yalnız 2013-cü ildən 2 il əvvəl və 3 il sonra metro stansiyaları istismara verilib.
Həmçinin, 2013-cü ildən sonra hər il metro stansiyasının tikintisinə nail olunmayıb. Belə ki, 2013-2016 və 2017-2021-ci illər aralığında heç bir metro stansiyası tikilib-istismara verilməyib. Yalnız 2021 və 2022-ci illərdə sözügedən tendensiya, yəni ardıcıl olaraq 2 il yeni metro stansiyasının tikilməsi halı müşahidə edilib.
“Fakt Yoxla”nın gəldiyi qənaətə görə, vəd yerinə yetirilməyib.