Azərbaycan Respublikası Prezidentinin 29 dekabr 2012-ci il tarixli Fərmanı ilə təsdiqlənmiş “Azərbaycan 2020: Gələcəyə Baxış” İnkişaf Konsepsiyasında hökumət 2020-ci ilədək çatmaq istədiyi hədəfləri açıqlayıb. Təhsil sahəsiylə bağlı hədəflərdən birində bildirilir ki, bütün şagirdlər 1 şagird-1 kompyuter layihəsi çərçivəsində kompyuterlərlə təmin ediləcəklər.
“Fakt Yoxla” hökumətin 2020-ci ilədək ölkədə bütün şagirdlərin kompyuterlərlə təmin edilib-edilmədiyini araşdırıb.
Dövlət Statistika Komitəsinin açıqladığı göstəricilərə görə, 2020-ci ildə Azərbaycan məktəblərində orta hesabla hər kompyuterə düşən şagird sayı 18 nəfərə bərabər olub.
Təhsil Naziri Emin Əmrullayev 2022-ci ilin aprelində verdiyi açıqlamada bildirib ki, növbəti 3 il ərzində məktəblərə kompüterlərin verilməsi nəticəsində hər 6 uşağa 1 kompüter düşəcək.
“Fakt Yoxla”nın araşdırmasına görə, hökumət 2020-ci ilədək bütün şagirdləri kompyuterlərlə təmin edəcəyi ilə bağlı vədi yerinə yetirməyib.
