Azərbaycan Respublikası prezidentinin 6 dekabr 2016-cı il tarixli sərəncamı ilə təsdiq edilmiş “Azərbaycan Respublikasında kommunal xidmətlərin (elektrik və istilik enerjisi, su və qaz) inkişafına dair Strateji Yol Xəritəsi”ndə hökumət 2020-ci ilə qədərki hədəflərini açıqlayıb. Hədəf indikatorlarından biri də istilik enerjisi istehsalı ilə bağlıdır. Hökumət bildirib ki, görüləcək tədbirlər nəticəsində 2020-ci ildə ölkədə istilik enerjisi istehsalı 1 milyon 767 min Qkal səviyyəsinə çatdırılacaq.
“Fakt Yoxla” hökumətin vədini yerinə yetirib-yetirmədiyini araşdırıb.
Rəsmi açıqlamaya görə, 2020-ci ildə Azərbaycanda 1 milyon 503 min Qkal istilik enerjisi istehsal edilib. Bu, 2019-cu illə (1 milyon 449 min Qkal) müqayisədə 46 min Qkal artım olsa da, hökumətin vəd etdiyi göstəricidən ( 1 milyon 767 min Qkal) 15% aşağı göstəricidir.
“Fakt Yoxla”nın araşdırmasına görə, hökumət 2020-ci ilədək istilik enerjisi istehsalının 1 milyon 767 min Qkal səviyyəsinə çatdırılması ilə bağlı vədini yerinə yetirməyib.
